सिड्नी । गुठी अष्ट्रेलियाले आगामी सेप्टेम्बर २७ तारिखमा सिड्नीको रकडेल स्थित Bicentennial Park मा नेपाल चंगा उत्सव २०१४ आयोजना गर्ने भएको छ ।
दशैंको बेला नेपालमा चंगा उडाउने परम्परालाई निरन्तरता दिदै यहाँ रहेका नेपालीहरुले सिड्नीमा पनि चङ्गा उडाउने भएका हुन् ।
यसका निम्ति चंगा, लट्टाई, धागो नेपाल बाटै ल्याइएको आयोजकले जानकारी दिए ।
कार्यक्रममा निशुल्क सहभागी हुन सकिने र कार्यक्रम स्थलमा नै धा
गो, लट्टाई र चंगा किन्न सकिने व्यवस्था मिलाइएको छ ।
यस्तै फुड फेष्टिभल, बालबालिकाका निम्ति आकर्षक अन्य गतिविधि पनि समावेश गरिने भएको छ ।
विहान १० बजेपछि सुरु हुने कार्यक्रममा १० भाग्यशाली सहभागीहरुका निम्ति खसी उपहार प्रदान गरिने बताइएको छ । दशैको पूर्वसन्ध्यामा अष्ट्रेलियाका विभिन्न शहरहरुमा यस्ता कार्यक्रम गरी नेपाली हिन्दुहरुको महान् चाड दशैंलाई स्वागत गर्ने क्रम सुरु भइसकेको छ ।
