काठमाडौँ । तीन दिवसीय नेपाल भ्रमण रहनु भएका चीनका विदेशमन्त्री वाङ यीले आज औपचारिक भेटघाट गर्दे हुनुहुन्छ । विदेशमन्त्री यीले आज नेपाली समकक्षी परराष्ट्रमन्त्री डा नारायण खड्कासँग द्विपक्षीय वार्ता गर्नुहुनेछ ।
यसअघि उहाँ बिहानै शिवपुरी हाइकिङमा जानुभएको छ । त्यसपछि दिउँसो उहाँले प्रधानमन्त्री निवास बालुवाटारमा प्रधानमन्त्री शेरबहादुर देउवासँग शिष्टाचार भेट गर्नुहुनेछ ।
उहाँलेआइतबार बिहान ९ः३० मा उहाँले राष्ट्रपति विद्यादेवी भण्डारीसमक्ष शिष्टाचार भेट गर्ने कार्यक्रम रहेको छ । सोही दिन बिहान ११ बजे विदेशमन्त्री यीले होटल मेरियटमा पूर्वप्रधानमन्त्री एवं नेकपा (एमाले)का अध्यक्ष केपी शर्मा ओलीसँग द्विपक्षीय भेट गर्नुहुनेछ । सो अवसरमा अध्यक्ष ओलीको टोलीमा उपाध्यक्षसहित सात सदस्य रहनुहुने बताइएको छ ।
एमाले अध्यक्ष ओली पछि उहाँले माओबादी केन्द्रका अध्यक्ष पुष्पकमल दाहाल संग छलफल गर्नुहुने छ । उहाँले पोखरा अन्तर्राष्ट्रिय विमानस्थलको भर्चुअल उद्घाटन गर्ने कार्यक्रम समेत रहेको छ । विदेशमन्त्री यील शुक्रबार काठमाडौँ आइपुग्नुभएको हो । उहाँ आईतबार चीन फर्कनु हुने छ ।
