काठमाडौं । विनयमोहन क्वात्रा भारतको नयाँ विदेश सचिवमा नियुक्त हुनुभएको छ ।
नेपालका लागि भारतीय राजदूत रहनुभएका क्वात्रालाई सोमबार विदेश सचिव नियुक्त गरिएको हो ।
अहिलेका सचिव हर्षवर्द्धन श्रींगला अवकाश भएपछि उहाँ विदेश सचिव हुनु हुनेछ । श्रींगला अप्रिल अन्तिममा अवकाश पाउँदै विदा हुने तयारीमा हुनुहुन्छ ।
क्वात्रा दुई वर्षअघि नेपालको राजदूत नियुक्त हुनुभएको थियो । सन् १९८८ देखि भारतको कूटनीतिक सेवामा प्रवेश गर्नुभएका क्वात्रा नेपाल आउनुअघि विदेश मन्त्रालय र प्रधानमन्त्री कार्यालय, अमेरिकास्थित भारतीय दूतावासमा काम समेत गर्नुभएको थियो ।
