एजेन्सी । इंग्लिस प्रिमियर लिग फुटबल अन्तर्गत आर्सनलले जित निकालेको छ । आइतबार राति सम्पन्न खेलमा आर्सनलले वेस्टहाम युनाइटेडलाई उसकै मैदानमा २–१ गोलले पराजित गरेको हो ।
खेलको ३८ औं मिनेटमा रव होल्डिङले गोल गर्दै आर्सनललाई सुरुवाती अग्रता दिलाएका थिए । ४५ औं मिनेटमा जारोर्ड बोएनले गोल गर्दै वेस्टहामलाई बराबरीमा ल्याए ।
५४ औं मिनेटमा गाब्रियलले गोल गर्दै आर्सनललाई २–१ को स्थितीमा लगे । त्यसपछि खेलमा दुबै टिमले गोल गर्ने प्रयास गरेपनि गोल सम्भव भएन । अन्ततः आर्सनलले चौंथो स्थानमा रक्षा गर्यो । उसको ३४ खेलबाट ६३ अंक छ । वेस्टहाम ३५ खेलबाट ५२ अंकसहित सातौं स्थानमा रहेको छ ।
