एजेन्सी । मैत्रीपूर्ण फुटबल खेलमा अर्जेन्टिनाले इस्टोनियाविरुद्ध उत्कृष्ट जित निकालेको छ ।
स्पेनको एल साडार मैदानमा आइतबार राति भएको खेलमा अर्जेन्टिनाले इस्टोनियालाई ५–० गोलले पराजित गरेको हो ।
अर्जेन्टिनाको जितका लागि सबै पाँच गोल कप्तान लियोनल मेसीले गरे । उनले आठौं मिनेटमा पेनाल्टीमार्फत गोल गर्दै सुरुवाती अग्रता दिलाएका थिए । त्यसपछि ४५,४७,७१ र ७६ औं मिनेटमा गोल गरे ।
यसअघि सन् २०१२ को च्याम्पियन्स लिगमा स्पेनिस क्लब बार्सिलोनाबाट जर्मन क्लब बायर लेभरकुसेनविरुद्ध मेसीले पाँच गोल गरेका थिए ।
