काठमाडौं । दक्षिण भारतीय अभिनेता सुनिल बर्मा नीता फिल्म्सको नयाँ फिल्म ‘ह्रस्वदीर्घ’मा अनुबन्धित भएका छन् ।
नेपाली बक्स अफिसमा समेत ब्लकबस्टर बनेको फिल्म ‘पुष्पा’ फेम्ड अभिनेता बर्माले नेपाली फिल्ममा डेब्यु लागेका हुन् ।
अभिनेता बर्मालाई अनुबन्धित गरिएकोबारे निर्मात्री एवं अभिनेत्री नीता ढुंगानाले जानकारी दिइन् ।
‘ह्रस्वदीर्घ’मा बर्माले नेपाली भाषामा स्वरांकन गर्नुपर्नेछ । ८ करोड रुपैयाँ बजेट रहेको बताइएको फिल्ममा बलिउड अभिनेता प्रकाश प्रदीप रावत पनि कास्टको रुपमा छन् । फिल्ममा नीता र अभिनेता हरिहर अधिकारीसहित सलोन बस्नेत, सरोज खनाल पनि मुख्य भूमिकामा हुनेछन् ।
आगामी दशैंलगत्तै छायांकनमा जाने तयारीमा रहेको मूलतः नेपाली भाषामा बन्ने ‘ह्रस्वदीर्घ’लाई हिन्दी भर्सनमा पनि लगाइनेछ ।
