एजेन्सी । नेसन्स लिगको समूह चरण अन्तर्गतको खेलमा फ्रान्स र क्रोएसियाले १–१ गोलको बराबरी खेलेका छन् ।
सोमबार राति क्रोएसियाको घरेलु मैदान पोल्जुडमा भएको खेलमा सुरुवाती अग्रता भने फ्रान्सले बनाएको थियो । ५२ औं मिनेटमा एड्रियन राबोइटले गोल गर्दै फ्रान्सलाई सुरुवाती अग्रता दिलाएका हुन् । तर, ८३ औं मिनेटमा क्रोएसियाका एन्ड्रेज क्रामारिचले पेनाल्टीमार्फत गोल गर्दै खेल बराबरी गरे ।
लिग ए ग्रुप १ मा रहेका फ्रान्स १ अंकसहित तालिकाको तेस्रो र समान अंकसहित क्रोएसिया चौंथो स्थानमा रहेको छ । डेनमार्क ६ अंकसहित पहिलो स्थानमा रहँदा ३ अंकसहित अस्ट्रिया दोस्रो स्थानमा रहेको छ ।
