काठमाडौँ । विश्व सङ्गीत दिवसको अवसरमा मंगलबार काठमाडौँमा आयोजित एक कार्यक्रमकाबिच ‘म, मेरो देश अनि म’ बोलको गीतको म्युजिक भिडियोको विमोचन भएको छ ।
चार वटा गीत रहेको म्युजिक भिडियोको गीतमा प्रेमध्वज प्रधान, निशा देशार, प्रताप दास र सङ्गीता प्रधानको स्वर रहेको छ ।
त्यस्तै भिडियोमा वरिष्ठ कलाकार तथा पत्रकार भूषण पोखरेल र वरिष्ठ पत्रकार प्रदीप चापागाँई र वरिष्ठ फोटो पत्रकार प्रदीपराज वन्तको अभिनय रहेको छ भने, भिडियोको निर्देशन प्रधुम्न मिश्रको रहेको छ । गीतको शब्द तथा सङ्गीत बद्री देशारको रहेको छ ।
प्रधानको आवाजमा “यो नेपाली शिर झुक्दैन” बोलको गीत रहेको छ ।
