काठमाडौँ । नेकपा (माओवादी केन्द्र) का अध्यक्ष पुष्पकमल दाहाल प्रचण्डले पार्टीबाट प्रतिनिधित्व गरेका मन्त्रीहरुलाई एक साताभित्र आआफ्नो मन्त्रालयको प्रगति विवरण बुझाउन निर्देशन दिनुभएको छ ।
पार्टीबाट गएका मन्त्रीहरुले राम्रो काम पनि गरेको तर धेरै नकारात्मक कुराको मात्र प्रचार भएको भन्दै उहाँले मन्त्रीहरुले हासिल गरेका राम्रा उपलब्धिलाई जनतामा लैजानुपर्ने आवश्यकता रहेको बताउनुभयो ।
मन्त्रीहरुले हासिल गरेका उपलब्धिहरुलाई पार्टी हेर्डक्वार्टरमा बुझाए त्यसलाई आगामी निर्वाचनमा जनतासामु लगेर ती उपलब्धिलाई स्थापित गर्न सकिने उहाँको भनाइ थियो ।
