काठमाडौं । बाजुराको बुढीगंगा नगरपालिकामा नेकपा एमालेका मेयर र उपमेयरका उम्मेदवारले आफ्नो मतान्तर फराकिलो बनाउँदै लगेका छन् ।
पछिल्लो अपडेटअनुसार ३६४८ मत गणना हुँदा एमालेका मेयर उम्मेदवार रामबहादुर बानियाँले २१९६ मत ल्याएका छन् । उनका प्रतिद्वन्द्वी नेपाली कांग्रेसका रंगबहादुर खातीले १२३९ मत ल्याएका छन् ।
यसैगरी उपप्रमुखमा एमालेकी मायाँ कुमारी खड्का (कुवँर)ले २१७२ मत ल्याउँदा कांग्रेसकी रिता शाहीले १२६२ मत ल्याएकी छन् ।
बुढीगंगाको वडा नम्बर १, ९ र १० को वडा अध्यक्ष एमालेले जितिसकेको छ । यहाँ १० वडा छन् । मतगणना जारी छ ।
