काठमाडौँ । राष्ट्रिय प्रजातन्त्र पार्टी (राप्रपा) को भ्रातृ संगठन राष्ट्रिय प्रजातान्त्रिक विद्यार्थी संगठनले सोमबार शिक्षामन्त्री देवेन्द्र पौडेलसमक्ष शैक्षिक क्षेत्रका समस्या समाधान गर्न विभिन्न मागसहितनको ज्ञापनपत्र बुझाएको छ ।
ज्ञापनपत्रमा कक्षा १२ सम्मको शिक्षा निःशुल्क गरिनुपर्ने, समयमै पाठ्यपुस्तक र पाठ्यसामग्री उपलब्ध गराइनुपर्ने, शिक्षालाई व्यापारिकण हुनबाट जोगाउनुपर्ने, सामुदायिक विद्यालयको स्तरोन्नति गर्नुपर्नेलगायतका विभिन्न ११ बुँदे माग समेटिएका छन् ।
यही असार १ गते प्रधानमन्त्री शेरबहादुर देउवासमक्ष राजनीतिक, समसामयिक र जनजीविकासँग सम्बन्धित २२ बुँदे ज्ञापनपत्र बुझाएको राप्रपाले आफ्नो माग सम्बोधन गराउन गत असार १३ गतेदेखि दबाबमूलक कार्यक्रम सञ्चालन गर्दै आएको छ ।
