काठमाडौँ । सुनचाँदी बजारमा आज छापावाल सुनको मूल्य प्रतितोला रु एक हजारले बढेको छ ।
विहिवार प्रतितोला रु एक हजारले घट्दै ९३ हजारमा कारोबार भएको सुनको मूल्य शुक्रबार फेरि एक हजारले नै बढेर प्रतितोला रु ९४ हजारमा कारोबार भईरहेको नेपाल सुनचाँदी व्यवसायी महासङ्घले जनाएको छ ।
महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला रु ९३ हजार ५०० छ । उक्त सुनको मूल्य अघिल्लो दिन प्रतितोला रु ९२ हजार ५०० थियो ।
त्यस्तै, आज सुनचाँदी बजारमा चाँदीको मूल्य प्रतितोला १० रुपैँयाले बढेर एक हजार १६५ रुपैँयामा कारोबार भईरहेको महासङ्घले जनाएको छ ।
