काठमाडाै।अस्ट्रेलियामा केही महिनामै नेपाली दूतावासको भवन निर्माण सुरु हुने भएको छ । भवनको डिजाइन र नक्सा तयार भइसकेको छ । अस्ट्रेलियास्थित नेपाली दूतावासका कार्यवाहक राजदूत द्रुपदा सापकोटाले भवनको डिजाइन तयार भई आवश्यक स्वीकृति प्राप्त भइसकेकाले छिट्टै निर्माण सुरु हुने बताउनुभएको छ ।
उहाँले माइकल डी रामियो, अरुण के. श्रेष्ठ र फ्युजन-म्याक्रिस जेभीको टोलीलाई समयमै सुन्दर डिजाइनका लागि धेरै धन्यवाद दिनुभएको छ । अस्ट्रेलियाको राजधानी क्यानबेरामा तत्कालीन राजदूत लक्की शेर्पाको पालामा ६ हजार १९८ वर्गमिटर क्षेत्रफलको जग्गा खरिद गरिएको थियो । सन् २०१८ को मार्चमा खरिद गरिएको सो जग्गा करिब १० करोड नेपाली रुपैयाँमा लिइएको बताइएको छ ।
