काठमाडौँ । भारतीय अभिनेता गोविन्दाले कला र संस्कृतिबिना देशको पहिचान हुन नसक्ने बताउनुभएको छ ।
आईतवार काठमाडौंमा आयोजित सुपर डान्सर नेपाल प्रतियोगिताको बारेमा जानकारी गराउन आयोजित कार्यक्रममा बोल्दै उहाँले यस्तो बताउनुभएको हो । अभिनेता गोविन्दाले दर्शकलहरुले कलाकारलाइ सधैँ साथ दिनुपर्ने बताउनु भयो ।
उहाँले नेपालसँग आफ्नो प्रेम धर्मपत्नीको माध्यमबाट जुरेको बताउनु भयो । उहाँले हरेक मानिसले आफूले गरेको कामलाई यादगार बनाउने हिसावबाट अघि बढाउन आवश्यक रहेको पनि बताउनु भयो । कला संसारको अभिन्न अंग भएको बताउँदै अभिनेता गोविन्दाले कला र संस्कृतिसँग जोडिएको व्यापारले देश समृद्ध बन्ने बताउनु भयो ।
उहाँले कलाकारहरुले व्यापार,व्यवसायसँगै जोडिएर कमाइ गर्ने भएकोले कलाकारकाक धनदाता मातापिता उद्योगी,व्यपारीहरु भएको बताउनु भयो ।
उहाँले भन्नुभयो, ‘दर्शकलहरुले कलाकारलाइ सधैँ साथ दिनुपर्छ । नेपाल संस्कृतिको माध्यमबाट संसारसँग जोडियोस् । नेपालसँगको प्रेम मलाई मेरी धर्मपत्नीको माध्यमबाट मिलेको हो । जो काम हामी गर्छौं त्यो काम मानिसले याद गर्ने किसिमको होस् । कला संसारको अभिन्न अंग हो । नयाँ विचारहरुले भरिएको हुन्छ । कला र संस्कृतिसँग जोडिएको व्यापारले देश समृद्ध हुन्छ । पैसा भएर पनि पहिचान हुँदैन । तर कला यस्तो चिज हो जसले दुवै दिन्छ ।’
भुषण दाहालले निर्देशन गर्ने सुपर डान्सर नेपाल शोको निर्णायकका रुपमा भाग लिन गोविन्दा नेपाल आउनुभएको हो । चार देखि १४ वर्ष उमेर समूहका बालबालिकाबीच प्रतिष्पर्धा हुने यो रियालिटी शोको निर्णायकमा कलाकार भुवन केसी, जसिता गुरुङ र सुरेन्द्र राई रहनुभएको छ ।
