काठमाडौं । राष्ट्रपति विद्यादेवी भण्डारीले फिर्ता पठाएको नागरिकता विधेयकमाथि आज विधायन व्यवस्थापन समितिमा छलफल हुँदैछ ।
समितिको बैठक आज दिउँसो १२ बजे बस्ने भएको छ ।
बैठकमा गृहमन्त्री बालकृष्ण खाण, कानून, न्याय तथा संसदीय मामिला मन्त्रालयका सचिव उदयराज सापकोटा, गृहसचिव टेकनारायण पाण्डेको समेत उपस्थिति रहनेछ ।
आइतबार बसेको राष्ट्रियसभा बैठकले प्रतिनिधिसभाले हुबहु पारित गरेको विधेयकलाई प्रक्रियागत रूपमा अघि बढाउने सर्वसम्मत निर्णय गरेको थियो ।
आइतबारको बैठकमा गृहमन्त्री बालकृष्ण खाणले राष्ट्रपतिबाट सन्देशसहित फिर्ता नागरिकता विधेयकलाई पुनर्विचारका लागि विधायन समितिमा पठाउने प्रस्ताव गरेका थिए ।
