एसिया कप टी२० क्रिकेट प्रतियोगिता अन्तरगत आज दुबईमा भारत र पाकिस्तानबीच भिडन्त हुँदैछ ।
यी दुई चिर प्रतिद्वन्द्वी बीचको खेल नेपाली समय अनुसार साँझ ७ बजेर ४५ मिनेटमा शुरू हुनेछ ।
यसअघि प्रतियोगिता अन्तरगत लिग चरणमा भएको खेलमा भारतले पाकिस्तानलाई पराजित गरेको थियो ।
तर लिग चरणमा भएको हारको बदला लिने मौका पाकिस्तानलाई छ । यद्यपि दुबै टिमका खेलाडीहरू फर्ममा रहेकाले खेल निकै रोमाञ्चक हुने अड्कल गरिएको छ ।
सुपर चारमा राउन्ड रोबिनका आधारमा खेल हुन लागेको हो । शनिवार भएको सुपर चारको पहिलो खेलमा श्रीलंकाले अफगानिस्तानलाई पराजित गरेको थियो ।
