काठमाडौं । परराष्ट्रमन्त्री डा. नारायण खड्का बेलायतकी दिवंगत महारानी एलिजावेथ द्वितीयको अन्त्येष्टिमा सहभागी हुन बेलायत जानुहुने भएको छ ।
असोज ३ गते बेलायतमा विशेष समारोहबीच हुन गइरहेको दिवंगत महारानी एलिजावेथ अन्त्येष्टिमा सहभागी हुन नेपालको तर्फबाट परराष्ट्रमन्त्री नेतृत्वको टोली त्यसतर्फ जान लागेको परराष्ट्र मन्त्रालय स्रोतले बताएको छ ।
अन्त्येष्टि समारोहमा बेलायतका लागि नेपाली राजदूत ज्ञानचन्द्र आचार्य पनि सहभागी हुनेछन् । यही भदौ २३ गते एलिजावेथको ९६ वर्षको उमेरमा निधन भएको थियो ।
एलिजावेथको अन्त्येष्टिमा विश्वका विभिन्न देशका राष्ट्रध्यक्ष, सरकार प्रमुख र परराष्ट्रमन्त्री सहभागी हुनेछन् ।
