काठमाडौँ । राष्ट्रिय महिला फुटबल टिमका प्रशिक्षक कुमार थापाले राजीनामाको घोषणा गरेका छन् ।
आज भएको साफ महिला च्याम्पियनसिपको फाइनलमा नेपाल उपाधि जित्नबाट बन्चित भएपछि थापाले राजीनामाको घोषणा गरेका हुन् ।
परिणाम नल्याउनेले पद ओगटेर बस्नु नहुने उनको भनाई छ । आफूले ७ हप्तामा जेजति गरेको भए पनि नतिजा दिन नसकेको र आफ्नो ठाउँमा कोही योग्य मान्छे आउनुपर्ने उनले खेलपछिको पत्रकार सम्मेलनमा जानकारी दिए ।
यसअघि सन् २०१६ मा पनि महिला टिमको प्रशिक्षक रहेका थापालाई साफ च्याम्पियनसिपकै लागि अखिल नेपाल फुटबल संघ एन्फाले प्रशिक्षकको जिम्मेवारी सुम्पेको थियो ।
