काठमाडौँ । विवेकशील साझा पार्टी परित्याग गरेका रवीन्द्र मिश्र आज राष्ट्रिय प्रजातन्त्र पार्टी (राप्रपा)मा प्रवेश गर्दै छन् । पार्टी प्रवेश कार्यक्रम आज दिउँसो १ बजे राष्ट्रिय सभागृह काठमाडौंमा आयोजना हुँदैछ ।
राप्रपाका प्रवक्ता एवम् प्रचार विभाग प्रमुख मोहन श्रेष्ठले रवीन्द्र मिश्र नेतृत्वको ‘वृहत ध्रुवीकरण पक्षधर’बीच एकता घोषणा समारोह हुन लागेको जानकारी दिए ।
यद्यपि, मिश्रले राप्रपाको कुन पद पाउने भन्ने औपचारिक रुपमा सार्वजनिक भइसकेको छैन । तर, उनी सहअध्यक्ष हुने बताइएको छ ।
मिश्रले सामाजिक सन्जालमार्फत् केन्द्रीय तहमा तत्काल मिलानको प्रक्रिया शुरू हुने र तहगत मिलानका लागि एउटा समिति बन्ने बताएका छन् ।
यसअघि विवेकशील साझा पार्टीमा रहेका मिश्रले ‘विचार माथि देश’ दस्तावेजका कारण विवादित बनेका थिए । सोही कारण पार्टी नै दुई समूहमा विभाजित भएको थियो ।
उक्त अभियान चलाइरहेका मिश्रको एजेण्डा राप्रपासँग मिलेपछि राजेन्द्र लिङ्देन र उनीबीच पार्टी एकतामा सहमति बनेको हो ।
