एजेन्सी । साउथ अभिनेता महेश बाबुकी आमा श्री घटामनेनी इन्दिरा देवीको निधन भएको छ ।
गए राति परिवारका सदस्यहरूले इन्दिरा देवीलाई अस्वस्थ महसुस भएपछि हैदराबादको एआईजी अस्पतालमा लगेका थिए ।
उनलाई भेन्टिलेटरमा राखिएको थियो यद्यपि, उनको अस्पताल पुग्नुअघि नै मृत्यु भइसकेको बताइएको छ ।
इन्दिरादेवीको पार्थिव शरीरलाई अन्तिम दर्शनका लागि आज बिहान ९ बजेदेखि पद्मालय स्टुडियोमा राखिएको छ, जहाँ निकट मानिस र फ्यानहरुको बाक्लो उपस्थिति रहेको छ ।
उनको अन्तिम संस्कार आज महाप्रस्थान, जुबली हिल्स, हैदरावादमा गरिने छ ।
इन्दिरा आफ्नो घरमा एक्लै बस्थिन् । यद्यपि महेश बाबु र उनका बहिनीहरू इन्दिरा देवीलाई धेरैजसो भेट्ने गर्दथे । मृत्युको खबर पाएलगत्तै सम्पूर्ण परिवार घर पुगेका छन् ।
