काठमाडौं । पाँचदलीय गठवन्धन, चितवनले माओवादी केन्द्रका अध्यक्ष पुष्पकमल दाहाल ‘प्रचण्ड’ लाई निर्वाचन क्षेत्र परिवर्तन नगर्न आग्रह गरेको छ ।
वाईसीएलका केन्द्रीय कोषाध्यक्ष एबं प्रचण्डकै निर्वाचन क्षेत्रका चितवन ३ का नेता सन्तोष पनेरुले प्रचण्ड चितवनबाट चुनाव नलड्ने सार्वजनिक गर्नुभएको थियो ।
यो पनि पढ्नुहोस- प्रचण्ड चितवन ३ नउठ्ने ,डराएर हिडेको सन्देश जाने
प्रचण्डले चितवन निर्वाचन क्षेत्र नं ३ छाड्न लागेको खबर सार्बजनिक भएपछि नेपाली कांग्रेस, चितवनका सभापति राजेश्वर खनालको अध्यक्षतामा मंगलबार भरतपुरमा बसेको गठबन्धनको बैठकले मुलुक, संविधान, लोकतन्त्र, शान्ति र विकासका खातिर समेत प्रचण्डले निर्वाचन क्षेत्र परिवर्तन गर्नु सान्दर्भिक नहुने ठहर गरेको हो ।
बैठकले मंसिर ४ गते सम्पन्न हुन गरहेको संघीय निवाचनमा आफ्नो निर्वाचन क्षेत्र परिवर्तन र चितवन जिल्लालाई पुनः अभिभावकीय भूमिका निर्वाह गरिदिनुहुन अपिल गर्ने निर्णय गरेको छ ।
