काठमाडौँ । प्रतिनिधिसभा निर्वाचनअन्तर्गत दाङ–२ मा नेकपा (एमाले) का महासचिव शंकर पोखरेलसँग नेकपा (माओवादी केन्द्र) की रेखा शर्मा प्रतिस्पर्धा गर्ने भएका छन् ।
सत्ता गठबन्धनबीच भएको सिट बाँडफाँटमा सो क्षेत्र माओवादी केन्द्रले पाएसँग उसले शर्मालाई प्रत्यक्षतर्फको उम्मेदवार बनाएको हो ।
तीनवटा निर्वाचन क्षेत्र रहेको दाङमा गठबन्धनबीचको सहमतिअनुसार दाङ १ बाट नेकपा (एकीकृत समाजवादी) का मेटमणि चौधरी र ३ बाट नेपाली कांग्रेसका दीपक गिरी उम्मेदवार बन्ने भएका छन् ।
नेकपा एमालेले भने निर्वाचन क्षेत्र १ बाट शान्ता चौधरी र ३ बाट कोमल वलीलाई उम्मेदवार बनाएको छ ।
