एजेन्सी । बलिउड स्टार वरुण धवन र कृति सेनन अभिनित फिल्म ‘भेडिया’को ट्रेलर सार्वजनिक भएको छ । अमर कौशिक निर्देशित यो चलचित्रको ट्रेलरलाई फ्यानहरुले तारिफ गरिरहेका छन् । फिल्ममा वरुण धवन भेडिया (ब्वाँसो) बनेको देख्न सकिन्छ ।
यस डरलाग्दो कमेडी फिल्ममा वरुण धवनले ब्वाँसोको रूपमा मानिसहरूलाई डराउँदै आएका छन् भने कृति सेननले यस फिल्ममा डा अनिकाको भूमिका निर्वाह गरेकी छिन् ।
ट्रेलर घना जंगलबाट सुरु हुन्छ, जसमा डरलाग्दो ब्वाँसो पनि देखाइएको छ, ट्रेलरमा हास्यास्पद संवाद र कमेडी छ । फिल्मको ट्रेलर रिलिज भएसँगै दर्शकको उत्साह निकै बढेको छ । यो फिल्म नोभेम्बर २५ मा सिनेमाघरहरूमा रिलिज हुनेछ ।
