काठमाडौँ । प्रधानमन्त्री शेरबहादुर देउवा संग नेपालका लागि नवनियुक्त अमेरिकी राजदूत डिन थम्प्सनले सिष्टाचार भेट गर्नुभएको छ ।
शुक्रबार नै राष्ट्रपति विद्यादेवी भण्डारीसमक्ष ओहोदाको प्रमाणपत्र बुझाउनु भएका राजदूत थम्प्सनले साँझ प्रधानमन्त्री देउवा संग प्रधानमन्त्री निवास बालुवाटारमा छलफल गर्नुभएको हो ।
रावदुत थम्प्सनले शुक्रबार नै परराष्ट्रमन्त्री डा नारायण खड्का संग पनि भेट गर्नुभएको छ । उहाँहरु बीच पराराष्ट्र मन्त्रालयमा भेट भएको थियो ।
दुबै भेटमा नेपाल अमेरिका कुटनीतिक सम्बन्धको ७५ बर्ष पुगेको स्मरण गर्दे आगामी दिनमा पनि दुई देश बिचको सम्बन्ध अझ उचाईमा पुर्योउने बारे कुराकानी भएको जनाईएको छ ।
