काठमाडौं । काठमाडौंको सिंहदरबार गेटमा मोटरसाइकलको ठक्करबाट पैदलयात्रीको मृत्यु भएको छ ।
बिहीबर साँझ हनुमानस्थानबाट अनामनगर चोकतर्फ जाँदै गरेको प्रदेश ३–०२–००८ प ३६१७ नम्बरको मोटरसाइकलले पैदलयात्री अनामनगर बस्ने परराष्ट्र मन्त्रालयकी शाखा अधिकृत ३२ वर्षीया आस्था सुब्बालाई ठक्कर दिएको थियो ।
दुर्घटनामा गम्भीर घाइते भएकी सुब्बाको उपचारको क्रममा काठमाडौं मोडल अस्पतालमा मृत्यु भएको प्रहरी वृत्त सिंहदरबारले जनाएको छ । कार्यालय सकाएर घर जाँदै गरेको उनलाई बाटो काट्ने क्रममा मोटरसाइकलले ठक्कर दिएको थियो ।
घाइते मोटरसाइकल चालकको महाराजगञ्ज स्थित त्रिवि शिक्षण अस्पतालमा उपचार भइरहेको छ ।
