काठमाडौं । आउँदो नोभेम्बर २० देखि कतारमा सुरु हुने फिफा विश्वकप फुटबलका लागि नेदरल्यान्ड्सले टिम घोषणा गरेको छ ।
नेदरल्यान्ड्सले शुक्रबार विश्वकपका लागि २६ सदस्सीय टोलीको घोषणा गरेको हो ।
विश्वकपमा नेदरल्यान्ड्स समूह ‘ए’ मा रहेको छ । नेदरल्यान्ड्सले नोभेम्बर २१ मा सेनेगलविरुद्ध खेल्दै विश्वकपको सुरुवात गर्नेछ । नेदरल्यान्ड्सको समूहमा यी दुई टोलीसहित कतार र इक्वेडर छन् ।
