काठमाडौं । फिफा विश्वकप फुटबल २०२२ अन्तर्गत आज पनि चार खेलहरु हुँदैछन् ।
कतारमा जारी विश्वकपमा समूह ‘ई’ का दुई र समूह ‘एफ’ का दुई खेलहरु हुनेछन् ।
पहिलो दुई खेलमा समूह ‘एफ’ मा रहेका क्यानडा र मोरक्को तथा क्रोएसिया र बेल्जियमबीच प्रतिस्पर्धा हुनेछ। दुबै खेल नेपाली समयअनुसार बेलुका ८ः४५ बाट सुरु हुनेछ । यी खेलहरुबाट अन्तिम १६ मा पुग्ने २ राष्ट्रको छनौट हुनेछ।
दोस्रो दुई खेलमा समूह ‘ई’ मा रहेका जापान र स्पेन तथा कोस्टारिका र जर्मनी बीच प्रतिस्पर्धा हुदैछ । नेपाली समयअनुसार राती १२ः४५ मा हुने यी खेलहरुबाट अन्तिम १६ मा पुग्ने २ राष्ट्रको टुङ्गो लाग्नेछ ।
३२ राष्ट्रले प्रतिस्पर्धा गरिरहेका कतार विश्वकपको फाइनल डिसेम्बर १८ मा हुनेछ ।
