एजेन्सी । बलिउडका चर्चित गायक लक्की अली यतिबेला समस्यामा परेका छन् । लक्की अलीले आफ्नो सामाजिक सञ्जाल मार्फत बेंगलुरुमा रहेको उनको फार्म हाउसलाई भू–माफियाले अतिक्रमण गरेको बताएका छन् ।
साथै, उनले आफ्नो कर्नाटकका डीजीपीलाई खुल्ला पत्र लेखेर सहयोगको लागि अपिल समेत गरेका छन् ।
लक्कीले यस पत्रमा एक आईएएस अधिकारी सहित केही व्यक्तिको नाम पनि लेखेका छन् । उनले आफ्नो परिवारलाई भूमाफियाबाट उत्पीडन गरिरहेको जनाएका छन् ।
लक्की अलीको यो पोस्टलाई फ्यानले समर्थन जनाइरहेका छन् । यस पोस्टको कमेन्ट सेक्सनमा, मानिसहरू लक्कीको लागि न्यायको लागि बिन्ती गरिरहेका छन् । यद्यपि, अहिलेसम्म यस विषयमा प्रहरी वा प्रशासनको प्रतिक्रिया आएको छैन ।
लक्की अली भरातकै चर्चित गायक हुन् । उनको जन्म ९ सेप्टेम्बर १९८९ मा भएको थियो । उनी चर्चित अभिनेता–हास्य कलाकार महमूदका छोरा हुन् । कहो ना प्यार हैको ‘एक पल का जीना’ गीतले उनलाई रातारात स्टार बनायो । यस गीतका लागि उनले फिल्मफेयर अवार्ड पनि पाएका थिए । ९० को दशकमा उनको गीतको धेरै माग थियो ।
