काठमाडौँ । महाअभियोग निष्क्रिय बनेको पत्र पाएसँगै सर्वोच्च अदालतमा हाजिर गर्ने तयारी गरेका प्रधानन्यायाधीश चोलेन्द्रशम्शेर जबरालाई अदालत परिसरमा छिर्न नदिन नेपाल बार एसोसिएसनले अदालतको मूल गेटमा धर्ना दिएको छ ।
धर्नामा बार अध्यक्ष गोपालकृष्ण घिमिरे, महासचिव अञ्जिता खनाल, सर्वोच्च बारका अध्यक्ष पूर्णमान शाक्य, बारका पूर्वअध्यक्ष चण्डेश्वर श्रेष्ठलगायत सहभागी छन् ।
बुधबार संघीय संसद्का महासचिव डा भरतराज पौडेलले जबरालाई महाअभियोग निष्क्रिय भएको पत्र दिएका थिए । पत्र पाएसँगै जबरा सर्वोच्चमा हाजिर गर्ने तयारीमा रहेका छन् ।
