काठमाडौं । प्रधानमन्त्री पुष्पकमल दाहाल ‘प्रचण्ड’ले लोक तथा दोहोरी गायक भीम पौडेलको निधनप्रति दुःख व्यक्त गर्नुभएको छ । प्रधानमन्त्री दाहालले सामाजिक सञ्जालमार्फत दुःख व्यक्त गर्नुभएको हो ।
‘लोक तथा दोहोरी गायक भीम पौडेलको अल्पायूमै भएको दुखद निधनप्रति गहिरो दुखसहित श्रद्धाञ्जली व्यक्त गर्दछु । शोक सन्तप्त परिवार, आफन्त र शुभेच्छुकहरूमा गहिरो समवेदना प्रकट गर्दछु ।’ उहाँले लेख्नुभएको छ ।
केही समयदेखि बिरामी रहेका गायक पौडेलको आफ्नै घर स्यङ्जामा निधन भएको थियो । पौडेलको शव पोखरा लगिने तयारी गरिएको छ ।
