काठमाडौं । बिरामीमाथि हिंस्रक व्यवहार गरेको आरोपमा अष्ट्रेलियामा एक नेपाली नर्स पक्राउ परेकी छन् ।
नाइनन्युज सिड्नीका अनुसार नेपाली नर्स अस्मिता पाण्डेलाई बिरामीलाई पिटेको आरोपमा पक्राउ गरिएको हो ।
एस्थिया हेल्थमा काम गर्ने पाण्डेले वृद्ध अवस्थाका बिरामीलाई कुटेको भन्दै सहकर्मीले अस्पताल प्रशासनमा रिपोर्ट गरेपछि उनलाई नियन्त्रणमा लिइएको हो ।
यो कसुरमा पाण्डेलाई जेल सजाय समेत हुन सक्ने बताइएको छ ।
