काठमाडौं । नेपाली यू–२० राष्ट्रिय महिला फुटबल टोली साफ च्याम्पियनसिपको लागि बंगलादेश प्रस्थान गरेका छन् ।
बंगलादेशमा आयोजना हुने साफ यू–२० महिला च्याम्पियनसिपको लागि नेपाली टोली ढाका प्रस्थान गरेका हुन् । मंगलबार अखिल नेपाल फुटबल संघ (एन्फा) ले उनीहरुको बिदाइ गरेको थियो ।
फेब्रुअरी ३ देखि ९ सम्म आयोजना हुने च्याम्पियनसिपमा नेपाल, आयोजक बंगलादेश, भारत र भुटानको सहभागिता रहेको छ । राउण्ड रोबिनको आधारमा हुने प्रतियोगिताको शीर्ष दुई टोलीले उपाधिका लागि प्रतिस्पर्धा गर्ने छन् ।
नेपालले प्रिती राईको कप्तानीमा च्याम्पियनसिप खेल्नेछ । नेपालले पहिलो खेल फेब्रुअरी ३ मा आयोजक बंगलादेशसँग खेल्नेछ । यस्तै, फेब्रुअरी ५ मा भुटान र फेब्रुअरी ७ मा भारतसँग खेल्नेछ ।
नेपाली टोली: गोलकिपर: कविता विक, सावित्री किशन, लिला जोशी
डिफेन्डरः सबिना चौधरी, सजनी थोकर, सरु हमाल, सुनिता भुलन, दिव्या मगर, प्रतिक्षा चौधरी, कुमारी तामाङ
मिडफिल्डरः तुलसा बोहरा, कुसुम खतिवडा, सारा बज्राचार्य, सुनकला राई, मनमाया दमाई, प्रिती राई (कप्तान), अञ्जली माचामासी, सरस्वती हमाल, दीपा शाही
फरवार्डः गरिमा राई, अमिषा कार्की, ममता पुन, अञ्जली चन्द
