काठमाडौं । बंगलादेशमा जारी साफ यू–२० महिला च्याम्पियनसिप अन्तर्गत भारतले सानदार सुरुवात गरेको छ ।
ढाकास्थित विर श्रेष्ठ शहिद सिपाही मुस्तोफा कमल स्टेडियममा भारले पहिलो खेलमा भुटानलाई १२–० गोल अन्तरले पराजित गरेको हो ।
भारतको जितमा अनिता, लिन्डा र नेहाले ह्याट्रिक गरिन् । यस्तै, अपूर्णले दुई गोल गर्दा नितुको नाममा एक गोल रह्यो ।
प्रतियोगितामा नेपालसहित आयोजक बंगलादेश, भारत र भुटान सहभागि छन् ।
राउण्ड रोबिनको आधारमा हुने प्रतियोगिताको शीर्ष दुई टोलीले उपाधिका लागि प्रतिस्पर्धा गर्ने छन् ।
यसैबीच, नेपालले आज आयोजक बंगलादेशविरुद्ध खेल्दै प्रतियोगिताको सुरुवात गर्नेछ । नेपाल र बंगलादेशबीचको खेल नेपाली समय अनुसार साँझ ६ः४५ बजे सुरु हुनेछ ।
