काठमाडौँ । कलाकार दीपकराज गिरी विभिन्न समसामयिक विषयमा टीप्पणी गरिरहन्छन् । समसामयिक विषयदेखि लिएर राजनीतिक विषयमा पनि उनले कटाक्ष गर्दै आएका छन् ।
यसैबीच गिरीले राष्ट्रिय स्वतन्त्र पार्टीको सरकारबाट बाहिरिने निर्णयलाई लिएर कटाक्ष गरेका छन् ।
गिरीले स्वस्थानीको कथालाई जोडेर राष्ट्रिय स्वतन्त्र पार्टीको निर्णयलाई लक्षित गर्दै स्वस्थानीमा महादेवले पनि सतिदेवीलाई दक्ष प्रजापतिको यज्ञमा नजाउ भन्दा भन्दै गएर झन्झट भएको उदाहरण दिएका हुन् । स्वस्थानीमा दक्ष प्रजापतिको यज्ञमा सतिदेवीले आफ्ना पति महादेवको अपमान सहन नसकेपछि यज्ञमा फाल हानेर देह त्याग गरेकी थिइन् ।
गिरीले समाजिक सञ्जाल फेसबुकमा लेखेका छन्– महादेवले पनि सतिदेवी लाई दक्ष प्रजापतिको यज्ञमा नजाउ त भनेकै हो
गएपछि झन्झट त भैहाल्छ नि ‘स्वस्थानि सकियो !
राष्ट्रिय स्वतन्त्र पार्टीले आइतबार सरकारलाई समर्थन यथावत राख्दै सरकारबाट बाहिरिने निर्णय गरेको छ ।
