एजेन्सी । अर्जेन्टिना कोपा अमेरिकाको फाइनलमा प्रवेश गरेको छ । मंगलबार बिहान ब्राजिलको इस्टेडीओ नेसनल डी ब्रासालिया मैदानमा भएको खेलमा कोलम्बियालाई पेनाल्टी सुट आउटमा ३-२ गोलले पराजित गर्दै अर्जेन्टिनाले ब्राजिलसँगको भेट पक्का गरेको हो ।
निर्धारित समयसम्म दुबै टिमले १/१ गोलको बराबरी खेलेपछि खेल पेनाल्टी सुटआउटबाट छिनोफानो लाग्योे ।
खेलको ७ औं मिनेटमा लौटारो मार्टिनेजको गोलबाट अर्जेन्टिनाले खेलमा सुरुवाती अग्रता बनाएको थियो । ६१ औं मिनेटमा लुइस डियाजले गोल गर्दै कोलम्बियालाई बराबरीमा ल्याए । त्यसपछि दुबै टिमबाट गोल गर्ने प्रयास भएपनि थप गोल हुन नसक्दा खेल टाइब्रेकरमा गयो ।
फाइनलमा ब्राजिल र अर्जेन्टिनाको भिडन्त हुनेछ । फाइनल खेल आइतबार बिहान नेपाली समयानुसार ५ः४५ बजे ब्राजिलको मैदान माराकानामा हुनेछ ।
