काठमाडौँ । काठमाडौँमा जारि नेकपा एमाले निकट विद्यार्थी संगठन अनेरास्ववियुको २३ औँ राष्ट्रिय महाधिवेशनमा स्थायी कमिटी सदस्यमा आर बिक्रम ओखेडाले उम्मेदवारी दिएका छन् ।
यसअघि बझाङबाट प्रतिनिधित्व गर्दै केन्द्रिय कमिटी सदस्य भइसकेका ओखेडाले उत्पीडित क्लस्टरबाट स्थायी कमिटी सदस्यमा उम्मेदवारी दिएका हुन् । ओखेडासहित स्थायी कमिटिमा उम्मेदवारी दिएका ओखेडाले जित्ने सम्भावना बलियो रहेको छ ।
चुनाव केवल औपचारिकता मात्रै हो, मेरो जित सुनिश्चित छ ओखेडाले भने– म जित्नेमा ढुक्क छु । आफूले उठाएका एजेन्डा र विगतमा केन्द्रिय सदस्य हुँदा दिएको योगदानको देशैभरबाट आएका प्रतिनिधिहरुले उचित मुल्यांकन गर्ने भन्दै ओखेडाले आफूले जित्ने दावी गरे ।
उनले आगडि थपे– हाम्रो अध्यक्ष केपी शर्मा ओली ज्युको समृद्ध नेपाल सुखी नेपालीको अभियानलाई सफल पार्न शिक्षाको गुणस्तरमा सुधार गर्नुपर्छ । हमी निर्वाचित भएपछि ओलीकै अभियानलाई सघाउने हो । त्यसैले मेरो जित नै समग्र संगठन र विद्यार्थीको जित हो ।
जारी महाधिवेशनमा सहमतिको प्रयासबाटै नेतृत्व चयन गर्ने अन्तिम प्रयास भए पनि त्यो सफल नभएको उनले बताए । तर निर्वाचनले अनेरास्ववियुलाई अझै सुदृढ र गतिशिल बनाउन सघाउने हुँदा निर्वाचन नै लोकतन्त्रको सुन्दरता भएको बताए ।
२०६५ देखि राजनितिमा सक्रिय ओखेडा उपेक्षित उत्पीडित वर्ग विकास समितिको बझाङको उपाध्यक्ष, बुंगल नगर कमितिको अध्यक्ष हुँदै अनेरास्ववियुको राजनितिमा होमिएका व्यक्ति हुन ।
साथै ओखेडाकै नेतृत्वमा बझाङमै बुंगल पम्मा कम्युनिटि हस्पिटलको निर्माण, बिसिए कप क्रिकेट टुर्नामेन्ट आयोजना गर्दै खेलकुद क्षेत्रलाई महत्वपुर्ण भुमिका निर्वाह गरेका थिए । त्यस्तै कोरोनाकालमा कोरोना हस्पिटल बझाङ निर्माण गरेका थिए भने अनेरास्ववियुको आयोजना र ओखेडाकै नेतृत्वमा एसईइका विद्यार्थीहरुलाई निशुल्क तयारी कक्षाहरु संचालन गरिरहेका छन् ।
विगतमा विकृति बिसंगति विरुद्ध भएका विभिन्न आन्दोलनमा ओखेडा पटकपटक घाइते समेत भएका थिए ।
