काठमाडौं । कृषि विकास बैंकको प्रमुख कार्यकारी अधिकृतमा गोविन्द गुरुङ नियुक्त भएका छन् । बैंकको सञ्चालक समितिले गुरुङलाई सीईओमा नियुक्त गरेको हो ।
बैंकको सीईओ पदका लागि २२ जनाले दिएका आवेदनमध्ये ५ जना सर्ट लिष्टमा परेका थिए । शनिबार भएको सर्टलिष्टका अन्तरवार्ताबाट गुरुङ छानिएका हुन् । उनको कार्यकाल ४ वर्षको हुनेछ ।
गुरुङले यसअघि सिभिल बैंकमा सीईओको रुपमा काम गरेका थिए । बाणिज्य बैंकहरुमा साढे २६ वर्षदेखि जोडिएका गुरुङ म्यानमारको म्यानमार सिटिजन्स बैंकमा पनि सीईओ भएका थिए ।
