काठमाडौं । चिनियाँ राष्ट्रपति सी जिङपिङसँग प्रधानमन्त्री केपी शर्मा ओलीसहित नेपाली राजनीतिक दलका नेताहरुसँग भर्चुअल छलफल हुने भएको छ । चिनियाँ कम्युनिष्ट पार्टी स्थापनाको सय वर्ष पुगेको अवसरमा हुन लागेको भर्चुअल छलफल आज साझँ सवा ६ हुने प्रधानमन्त्रीका प्रेस सल्लाहकार सुर्य थापाले न्युजपोलारलाई जानकारी दिनुभयो ।
छलफलमा प्रधानमन्त्री ओली, नेपाली काग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल लगायतका नेताहरु सहभागी हुनुहुने छ । भर्चुअल छलफलमा भारत बाहेक अन्य दक्षिण एसियाली मुलुकका प्रतिनिधिहरु पनि सहभागी हुने बताइएको छ।
छलफलमा चिनियाँ कम्युनिष्ट पार्टी स्थापनाको सय वर्ष पुगेको अवसरमा शुभकामना ब्यक्त गरेकोमा धन्यबाद ब्यक्त गर्नुका साथै कोरोना सक्रमण नियन्त्रण र रोकथामका लागि चीन ले गर्ने सहयोगका बारेमा जानकारी गराउने बुझिएको छ ।
