एजेन्सी । च्याम्पियन्स लिग फुटबल अन्तर्गत इटालियन क्लब इन्टर मिलानले जित निकालेको छ । बुधबार राति भएको पहिलो लेगमा इन्टरले पोर्चुगीज क्लब एफसी पोर्टोलाई १–० गोलले पराजित गरेको हो ।
इन्टरलाई घरेलु मैदानमा जित दिलाउन एकमात्र निर्णायक गोल खेलको ७० औं मिनेटमा रोमेलु लुकाकुले गरे । खेलको ७८ औं मिनेटमा पोर्टोका ओटाभिओले रातो कार्ड खाँदै मैदानबाट बाहिरिएपछि पोर्टो १० खेलाडीमा समेटिएको थियो ।
अब यी दुई टोलीबीचको दोस्रो लेग मार्च १५ मा पोर्टोको घरेलु मैदानमा हुनेछ ।
