काठमाडौं । आइसिसी यू–१९ विश्वकप एसिया छनोट खेलमा सिंगापुरविरुद्ध टस जितेर नेपालले ब्याटिङ गर्दै छ । युएईको इर्डेन गार्डेन्स आजमानमा खेल भईरहेको छ । यो समाचार तयार पार्दासम्म नेपालले १७ ओभर खेल्दा एक विकेटको क्षतिमा ७२ रन बनाएको छ ।
प्रतियोगितामा सिंगापुरलाई हराउँदै नेपाल सानदार सुरुवात गर्न चाहन्छ । यूएई जानु अघि बिदाइ कार्यक्रममा बोल्दै नेपालका कप्तान देव खनालले राष्ट्रलाई गर्व गराउने फोकसमा टिम अघि बढेकोले यूएईबाट विजेता ट्रफि लिएर फर्कने बताएका थिए ।
प्रतियोगितामा नेपाल, हङकङ, मलेसिया, सिंगापुर, युएई र कुवेत छन् । राउण्ड रोबिनका आधारमा हुने प्रतियोगिताको विजेताले २०२४ मा श्रीलंकामा हुने यू–१९ विश्वकप खेल्नेछ ।
नेपालको प्लेइङ ११ : दीपक बोहरा, अर्जुन कुमाल, आकाश त्रिपाठी, देव खनाल, सुवास भण्डारी, विशाल विक्रम केसी, हेमन्त धामी, दीपक प्रसाद डुम्रे, दुर्गेश गुप्ता, दीपक बोहरा र मिलन बोहरा ।
