ललितपुर । ललितपुरको सानेपामा हम्मर प्रहार गरेर भारतीय नागरिकको हत्या भएको छ । राजस्थानका ५९ वर्षीय सत्यनारायण पारिकको हत्या भएको हो ।
झ्यालबाट कोही व्यक्ति घरमा प्रवेश गरेर उनलाई हम्मर प्रहार गरेको हुनसक्ने प्रहरीले जनाएको छ । यस्तै घरका केही सामान पनि हराएकाले चोरी गर्ने उद्देश्यले आएको व्यक्ति घटनामा संलग्न हुनसक्ने आशंका गरिएको छ ।
प्रहरीले अनुसन्धानका लागि तालिमप्राप्त कुकुर र फरेन्सिक विज्ञलाई पनि घटनास्थलमा परिचालन गरेको थियो ।
प्रहरीले शवलाई पोष्टमार्टमका लागि त्रिवि शिक्षण अस्पताल, महाराजगञ्ज पठाएको छ ।
पारिक इलेक्ट्रोनिक सामग्रीसँग सम्बन्धित पसलमा मार्केटिङको काम गर्थे । उनी २० वर्षदेखि नेपालमा बस्दै आएका थिए ।
