काठमाडौं । नेशनल हाइड्रो पावर कम्पनीको स्थगित साधारण सभा असार ३१ गते हुने तय भएको छ । कम्पनीको २४ औं वार्षिक असार १७ गतेको सञ्चालक समितिको बैठकले बिहान ११ बजे कम्पनीको रजिष्टर्ड कार्यालयमा भर्चुअल माध्यमबाट सभा गर्ने निर्णय गरेको हो ।
यसअघि चैत २७ गतेका लागि बोलाएको सभा गणपुरक संख्या नपुगेकाले स्थगित गरिएको थियो । सभाले गत आर्थिक वर्ष २०७६र७७ को वार्षिक प्रतिवेदन सहितका वित्तीय विवरणहरु पारित गरेको छ । साथै गत चालू आर्थिक वर्षको लागि लेखापरीक्षक नियुक्ति र निजको पारिश्रमिक निर्धारणको विषयलाई पनि टुंगो लगाउने जनाएको छ ।
यस अघि स्थगित सभाका लागि कम्पनीले चैत १३ गतेदेखि २७ गतेसम्म बुक क्लोज गरेको थियो । सभा प्रयोजनका लागि भने यसअघि तय गरेकै बुक क्लोजको मितिलाई नै लागू गर्ने कम्पनीको भनाइ छ ।
