एजेन्सी । शाहरुख खानको बंगला ‘मन्नत’ को सुरक्षामा लापरवाही भएको घटना बाहिर आएको छ । बिहीबार अबेर राति दुईजना युवक पर्खाल तोडेर बंगलाको तेस्रो तलामा पुगेका थिए । तर, सुरक्षाकर्मीले उनीहरुलाई समातेर प्रहरीलाई बुझाए ।
दुवैको उमेर २१ देखि २५ वर्ष रहेको बताइएको छ । दुवै गुजरातका हुन् । प्रहरीले उनीहरुविरुद्ध आईपीसीको धारा ४५२/३४ अन्तर्गत मुद्दा दर्ता गरेको छ ।
यो घटना हुँदा शाहरुख खान घरमा थिएनन् । दुवै केटा बंगलाको तेस्रो तल्लामा पुगेका थिए । पहिले सुरक्षा गार्डले देखे । यो घटना राति ९ः४५ बजेको हो । पुलिसको सोधपुछमा दुबै सुरतका बासिन्दा हुन् र शाहरुखलाई भेट्न मुम्बई पुगेका थिए । दुवैको आपराधिक अभिलेखको खोजी भइरहेको छ ।
‘मन्नत’ शाहरुखले सन् २००१ मा बाई खोरशेद भानु सञ्जना ट्रस्टबाट १३ः३२ करोड भारुमा लिजमा किनेका थिए । चार वर्षसम्म चलेको मर्मतसम्भारपछि यसको नाम मन्नत राखियो । मुम्बईस्थित फकिह एण्ड एसोसिएट्सले ६ हजार स्क्वायर फिटको बंगला डिजाइन गरेको हो । शाहरुख–गौरीको यो बंगलाको संरचना २० औं शताब्दीको ग्रेड–३ हेरिटेजको छ, जुन स्काईवर्ड, पछाडि, र साइडवे चारैतिर खुल्छ ।
६ तले मन्नतमा शाहरुखको परिवार मात्र २ तल्लामा बस्छन् । बाँकी तलाहरू कार्यालय, निजी बार, निजी थिएटर, पौडी पोखरी, अतिथि कोठा, जिम, पुस्तकालय, खेल क्षेत्र र पार्किङको लागि प्रयोग गरिन्छ ।
