काठमाडौँ । आईसीसी विश्वकप लिग टू अन्तर्गतको अन्तिम त्रिकोणात्मक सिरिज अन्तर्गत नेपालले आज पपुवा न्यु गिनी (पिएनजी)सँग खेल्दैछ ।
घरेलु टोली नेपालले आजबाट सुरु हुन गइरहेको त्रिकोणात्मक सिरिजको पहिलो खेल पिएनजीजिरुद्ध खेल्न लागेको हो । नेपाल र पिएनजीबीचको खेल कीर्तिपुरस्थिती टियु मैदानमा बिहान साढे ९ बजेबाट सुरु हुनेछ ।
नेपाललाई शीर्ष तीनमा रहँदै सोझै विश्वकप छनोट खेल्न बाँकी सबै खेल जित्नुपर्ने दबाब छ । अर्कोतर्फ ओडिआई मान्यता जोगाउन नेपाललाई चार मध्ये दुई जित पर्याप्त हुनेछ ।
घरेलु मैदानमा नै पीएनजीसँग गतबर्ष भएको एकदिवसीय अन्तराष्ट्रिय सिरिजको दुवै खेलमा नेपालले हार ब्यहोरेको थियो । नेपालले पीएनजीको टोलीसँग तेस्रो पटक घरेलु मैदानमा एकदिवसीय अन्तराष्ट्रिय खेल खेल्दैछ ।
सात देश सम्मिलित विश्वकप लिग टूमा नेपाल ३२ खेलमा १५ मा जित र १५ मा हारसहित ३२ अंकका साथ पाँचौं स्थानमा छ । पपुवा न्युगिनि ३२ खेलमा ९ अंक जोडेर अंक तालिकाको पुछारमा रहेको छ ।
नेपाली टिम:
रोहित पौडेल (कप्तान), कुशल भुर्तेल, आसिफ शेख, ज्ञानेन्द्र मल्ल, दिपेन्द्रसिंह ऐरी, सन्दीप लामिछाने, करण केसी, प्रतिश जिसी, कुशल मल्ल, आरिफ शेख, सोमपाल कामी, गुल्शन झा, भीम सार्की, ललित राजवंशी
