काठमाडौँ । नेपाली क्रिकेट टोलीलाई सरकारले जनही ३ लाख दिने भएको छ ।
बिहीबार आइसिसी क्रिकेट विश्वकप लिग–२ मा युएईलाई हराउँदै नेपाल विश्वकप छनोटमा पुग्न सफल भएकोमा बधाई दिनुहुँदै प्रधानमन्त्री पुष्पकमल दाहाल प्रचण्डले प्रतिखेलाडी रू ३ लाख पुरस्कारको घोषणा गर्नुभएको हो ।
प्रधानमन्त्री दाहालले भन्नुभएको छ – विश्वकप क्रिकेट प्रतियोगिताको क्वालिफायरमा प्रवेश गरी नेपालको स्वाभिमान र पहिचान उच्च बनाएकोमा नेपाली क्रिकेट टोलीलाई हार्दिक बधाइ ज्ञापन गर्दै प्रतिखेलाडी रू. ३ लाख पुरस्कारको घोषणा गर्दछु।
कीर्तिपुरस्थित त्रिवि क्रिकेट मैदानमा बिहीबार भएको खेलमा नेपालले डकवर्थ लेविस पद्धतिका आधारमा युएईलाई नौ रनले हराउँदै आगमी जुन–जुलाइमा जिम्बावेमा आयोजना हुने एकदिवसीय विश्वकप छनोटको यात्रा तय गरेको हो ।
