काठमाडौं । लुम्बिनी प्रदेश सरकारबाट नेकपा (माओवादी केन्द्र) बाहिरिएको छ ।
आइतबार माओवादीका तीनै जना मन्त्रीहरुले मुख्यमन्त्री लीला गिरीसमक्ष राजीनामा पेश गरेका हुन् । लुम्बिनी सरकारमा माओवादीबाट जोखबहादुर महरा, इन्द्रजित चौधरी र कृष्णा केसी गरी ३ जना सहभागी थिए ।
यससँगै मुख्यमन्त्री गिरीले पुन: विश्वासको मत लिनुपर्ने हुन्छ । गत पुस २७ गते माओवादीसहित ५८ सांसदको समर्थनमा नेकपा (एमाले)का गिरी मुख्यमन्त्रीमा नियुक्त भएका थिए ।
