काठमाडौं । लुम्बिनी प्रदेशका मुख्यमन्त्री तथा नेकपा एमाले नेता शंकर पोखरेलले नेकपा (माओवादी केन्द्र)का अध्यक्ष पुष्पकमल दाहालले पूर्व राजालाई गुहार्ने काम पूरा गरेको आरोप लगाउनुभएको छ ।
बिहीबार सम्पादकहरुसँगको अन्तरक्रियामा बोल्दै अध्यक्ष दाहालले हालको राष्ट्रपति संस्थाभन्दा पहिलेको राजा नै ठिक भन्ने टिप्पणी गरेपछि त्यसलाई इंगित गर्दै मुख्यमन्त्री पोखरेलले दाहालबाट पूर्व राजा गुहार्ने काम पूरा भएको आरोप लगाउनुभएको हो ।
राजनीनिक प्रतिस्पर्धामा आफूलाई उच्च देखाउन पूर्वराजालाई गुहार्ने काम बाँकी रहेको र बिहीबार त्यो पनि पूरा भएको भन्दै मुख्यमन्त्री पोखरेलले सामाजिक सञ्जालमार्फत टिप्पणी गर्नुभएको छ ।
राजनीतिलाई अराजनीतिक बनाउने खेल अब के बाँकी रहयो र ? भन्दै उहाँले प्रश्नसमेत गर्नुभयो ।
