काठमाडौँ । राष्ट्रपति रामचन्द्र पौडेलले आफ्नो राजनीतिक सल्लाहकारमा सुनिलबहादुर थापालाई नियुक्त गर्नुभएको छ ।
नेपाली कांग्रेस केन्द्रीय कार्यसम्पादन समिति सदस्य रहेका पूर्वमन्त्री थापा पार्टीको पूर्वमहामन्त्री समेत हुनुहुन्छ ।
पूर्वप्रधानमन्त्री एवं राष्ट्रिय प्रजातन्त्र पार्टी ९राप्रपा० का नेता सूर्यबहादुर थापाका पुत्र सुनिल राप्रपा परित्याग गरी नेपाली कांग्रेसमा प्रवेश गर्नुभएको थियो ।
धनकुटाका सुनिलले राजनीतिक सल्लाहकारको नियुक्तिपत्र समेत लिइसक्नुभएको छ । राष्ट्रपति पौडेलले यसअघि आर्थिक सल्लाहकारमा चिरञ्जीवी नेपाल र कानुनी सल्लाहकारमा बाबुराम कुँवरलाई नियुक्त गर्नुभएको थियो ।
