काठमाडौं । वैशाख १० मा हुन गइरहेको उपनिर्वाचन अन्तर्गत तनहुँ १ मा राष्ट्रिय स्वतन्त्र पार्टी (रास्वपा)बाट स्वर्णिम वाग्ले उम्मेदवार बन्ने टुंगो लागेको छ ।
उपनिर्वाचनमा उम्मेदवारका लागि रास्वपाभित्र नाम दर्ता गरेका २ जनाले नाम फिर्ता लिएसँगै वाग्ले सर्वसम्मत उम्मेदवार चयन भएका हुन् ।
उम्मेदवारको आकांक्षी रहेका इश्वर लामिछाने र डा. रुपक विक घिमिरेले नाम फिर्ता लिएपछि स्वर्णिम निर्विरोध उम्मेदवार चयन भएको महामन्त्री मुकुल ढकालले जानकारी दिए ।
आकांक्षी अन्य उम्मेदवारहरुबीच पार्टीभित्र भएको छलफलमा सहमति मै लामिछाने र घिमिरेले नाम फिर्ता लिएका हुन् । हिजो बिहीबार मात्रै वाग्लेले नेपाली कांग्रेससँगको सहयात्रा टुंग्याएको घोषणा गरेका थिए ।
