काठमाडौं। आजदेखि जिल्ला प्रशासन कार्यालय काठमाडौंले सबै सेवा सूचारु गरेको छ ।
कोरोना नियन्त्रणका लागि निषेधाज्ञा जारी भएपछि वैशाख १३ गतेदेखि बन्द भएको सेवा निषेधाज्ञा खुकुलो भएसँगै आजदेखि सुचारु गरिएको हो ।
प्रशासन कार्यालयले एक सूचना जारी गर्दै सम्पूर्ण काम गर्न प्रशासन कार्यालयमै आउन भनेको छ ।
उपत्यकामा आजदेखि निषेधाज्ञा खुकुलो पार्दै पसल बार अनुसार खुलाइएको छ भने निजी सवारी साधन र ट्याक्सीमा जोरबिजोर लागू गरिएको छ ।
